Samundar may utarta hon to aankhain bheeg jati hain

Samundar may utarta hon to aankhain bheeg jati hain

tre aankhon ko parhta hon to aankhain bheeg jati hain

tumhara nam likhnay ke ijazat chin gai jub say

koi bhe lafz likhta hon to aankhain bheeg jati hain

tery yadon ke khushbo khirkyun may raqs karti hay

teray ghum may sulagta hon to aankhain bheeg jati hain

may huns kar jhail leta hon judai ke subhi rusmain

gulay jub us k lagta hon to aankhain bheeg jati hain

na janay ho gya hon isqadar hassa may kub say

kisi say bat karta hon to aankhain bheeg jati hain

wo sub guzray huay lumhat kujh ko yaad aatay hain

tumharay khut jo parhta hon to aankhain bheeg jati hain

may sara din bohot musroof rehta hon megar junhi

qudam chokhat pay rakhta hon to aankhain bheeg jati hain

her ik muflis k mathay pay alum ke dastanain hain

koi chehra bhe parhta hon to aankhain bheeg jati hain

bray logon k oonchay budnuma aur sard mehlon ko

ghareeb aankhon say takta hon to aankhain bheeg jati hain

teray koochay say ab mera tauluq wajbi sa hay

mugar jub bhe guzarta hon to aankhain bheeg jati hain

huzaron moosmoon ke hukmrani hay meray dil per

"wasi" may jub bhe hunsta hon to aankhain bheeg jati hain.