Kal raat bazm mein jo mila gulabadan sa tha

Kal raat bazm mein jo mila gulabadan sa tha

Kushboo se us ke lafz the chehara chaman sa tha

dekha use to bol paDe us ke Khad-o-khaal

poochha use to chup sa raha kam-sukhan sa tha

tanhaaiyon ki rut mein bhi lagta tha mutama_in

wo shaKhs apani zaat mein ek anjuman sa tha

wo sadagi pehan ke bhi dil mein utar gaya

uski har ek ada mein ajab bhol-pan sa tha.