Gaye MausaM Mein Jo Khilte The Gulabon Ki Tarah

Gaye MausaM Mein Jo Khilte The Gulabon Ki Tarah

Dil Pe Utrenge Wohi Khwaab Azabon Ki Tarah

Raakh Ke Dher Pe Ab Raat Basar Karni Hai

Jal Chuke Hai Mere KhaiMe, Mere Khwabon Ki Tarah

Wo SaMundar Hai To Phir Reh Ke Shadaab Kare

Tashnagi Kyon Mujhe Deta Hai Sarabon Ki Tarah

Yaad To Hongi Wo Baatein Tujhe Bhi Lekin

Shelf Mein Rakhi Hui Band Kitabon Ki Tarah

Kaun Jaane Ke Naye Saal Mein To Kisko Padhe 

Tera Mayaar Badalta Hai Nisaabon Ki Tarah

Hijr Ki Shab Meri Tanhayi Pe Dastak Degi

Teri Khushbu Mere Khoye Hue Khwabon Ki Tarah.