Janay kya kya na tamasha ho ga

Janay kya kya na tamasha ho ga
Dill bharay shehr mein tanha ho ga

Bewafa mujh ko samajhnay walay!
Tera mayar-e-wafa kya ho ga?

Kisi boaseeda dareechay say kabhi
Naya manzar nazar aata ho ga?

Meri qismat mein to weerani hai
Ha'ay,woh shakhs bhi tanha ho ga!

Yaas mein behtay huway ashkon say
Uss ka takya kabhi bheega ho ga

Chand raaton kay guzar janay parr
Janay kis haal mein darya ho ga.